MOKABAT sa P5 milyones ang gigahin sa Cebu City Government alang sa umaabot nga Christmas Party sa mga opisyal ug mga empleyado sa Cebu City Hall.
Ang Cebu City Council nitugot sa paggasto sa maong kantidad pinaagi sa resolution nga gipanday ni Konsehal Lea Japson ug giaprobahan niadtong Septiyembre 28.
Si Mayor Michael Rama nanalipod sa gidak-on sa maong budget.
“Okay ra man na kay daghan man kaayo tag empleyado. Bahinbahinon pa gud na. It will not cover the food alone but also the giveaways like hams,” pasabot ni Rama.
Siya nipadayag nga ang gahin karong tuiga alang sa Pasko susama ra sa gahin sa miaging tuig ug sa nangaging katuigan.
Sa resolution ni Japson, kini naglatid nga ang P5 milyones alang sa Christmas party subay sa proposal ni Veronica Morelos, hepe sa Human Resource Development Office (HRDO)
Ang P1,750,000 nga gitawag og incentive allowance gamiton alang sa pagpalit og pagkaon alang sa 5,000 ka mga opisyal ug empleyado sa siyudad ug i-release pinaagi sa payroll nga tag P350 matag usa.
Laing P1,750,000 alang sa pagpalit og hams balor og P350 matag usa ka kawani.
Mopalit usab og sinakong bugas humay balor og P1,000,000 nga iapod-apod sa 5,000 ka trabahante nga hatagan og tag singko kilos matag usa.
Alang sa raffle, adunay gigahin nga P425,000 nga appliances isip door prizes ug P75,000 alang sa lights ug sound system
Ang gahin adto kuhaa sa city sponsored activities.
No comments:
Post a Comment