Courtesy ni Gov. Pimentel gikatakda sa Davao human ang pagbuhi nila Mayor Dano

BUTUAN CITY- Pormal ng giturn-over gikan sa International Community Red Cross Mission sila Lingig Surigao del Sur Mayor Henry Dano og duha ka mga military escorts niini nga sila PFC Alan Saban og Corporal Alrey Desamparado ngadto sa ilang tagsa-tagsang pamilya pasado alas-tres ganinang hapon human ang kapin duha ka bulang pagkabihag.

Sa report sa atong chief of reporters nga si Bombo Edwin Bayer, nakanaog na sa bukirong bahin sa boundary sa ComVal province og Trento Agusan del Sur ang mga gibuhiang costudees sa rebeldeng New People's Army.

Gakos, halok, luha og pahiyom ang nisugat nila Mayor Henry Dano og duha ka escorts niini sa dihang nakita na nila ang ilang mga kabanay.

Sa karon, anaa sa usa ka seminaryo sila sa Monkayo og gikatakdang mobiyahe padulong Davao area alang sa ipahigayong courtesy ni Surigao del Sur Governor Johnny Pimentel.

Mahinumdumang niadtong Agusto 6 ning tuiga dihang gisulod sa mga rebelde ang pinuy-anan sa mayor aog gidala kini uban ang duha niya ka mga military escorts apil na ang pipila ka mga armas og kagamitan aron atubangon matud pa nila ang reklamong gipasaka sa mga tawo ngadto sa People's Court sa New People's Army batuk kanila og pasado alas-dos ganina hingpit ng gibuhian sa ilang mga abductors.