36,000 ka sakong imported rice, nakompiskar sa BOC sa CDO

CAGAYAN DE ORO CITY - Gikustodiya karon sa Bureau of Customs kon BOC district 10 ang mokabat sa 36,000 ka sakong bugas nga ilang nakumpiskar diha sa Pantalan sa Brgy. Macabalan ning siyudad.

Ang maong mga imported rice ilang nakompiskar gikan sa MV Jess nga midungga diha sa Pantalan.

Gikumpiskar ang maong mga bugas sa pagpangulo ni Capt. Isidro Estera, tungod sa giingong kawad-on sa mga dokomento.

Apan sa gihimong pagsusi sa Bombo Radyo, gikabutyag nga wala na diha sa Pantalan  sa Macabalan ang maong barko.

Gisuta pa usab karon sa BOC-10 kon kinsa ang nanag-iya sa maong mga imported nga bugas ug ila usab gisuta kon asa kini nga nasud nagikan.