CAGAYAN DE ORO CITY - Gipangita pa karon sa kapolisan ang suspek nga mitigbas ug midunggab-patay sa usa ka lalaki diha sa Igpit, Opol, Misamis Oriental kagahapong adlawa.
Naila ang biktima nga si John Cabeguin Abellanosa, hingkod ang panuigon nga residente sa maong lugar.
Nagmaneho matud pa sa iyang motorsiklo ang biktima sa dihang gitigbas kini sa wala mailang suspek.
Wala pa gayud matagbaw ang suspek ug iya pang gidunggab ang biktima nga nagresulta sa iyang kamatayon.
Gilayon usab nga misibat ang suspek human sa maong insidente.
Blangko pa ang kapolisan kon unsay motibo sa pagpatay sa biktima samtang nagpadayon pa ang ilang imbestigasyon.
No comments:
Post a Comment