Bukas ang Malacañang sa panukalang gawing ‘tourism champion’ si Miss Universe 2011 third runner-up Shamcey Supsup para i-promote ang Pilipinas bilang prime tourist destination.
Sinabi ni Presidential Spokesman Edwin Lacierda, may ‘sense’ ang proposal ni Eastern Samar Rep. Ben Evardone dahil maituturing na asset ng bansa si Miss Supsup.
Kung sakali, makakasama na ni Supsup sina boxing champion Manny Pacquiao at international singer Lea Salonga sa pagpapakilala ng tourism industry.
“That is a good idea. Shamcey is an asset to the country,” ani Lacierda.
Kagabi bago umalis papuntang Estados Unidos, nagkita sina Pangulong Aquino at Supsup sa Ninoy Aquino International Airport terminal II kung saan personal na binati ng Pangulo ang Miss Universe 3rd runner-up.
No comments:
Post a Comment