‘Classroom ng DepEd-DPWH, masyadong mahal’

Pinatutukan ni Senate finance committee chairman Franklin Drilon sa Commission on Audit (COA) ang aniya�y sobrang laking budget ng Department of Education at Department of Public Works and Highways (DPWH) sa bawat public school classroom.

Sa budget deliberation ng Senado sa (DepEd) budget, nalaman na 650,000 ang budget sa bawat 7×9 meters na classroom sa DepEd-DPWH program.

Pero sa kanya umanong pork barrel, at sa pakikipagtulungan ng Federation of Filipino-Chinese Chamber of Commerce, umaabot lamang sa mahigit P200,000 ang halaga ng bawat classroom na kagaya rin ang laki.

Tanggap ni Drilon ang paliwanag ng DepEd na kaya lumalaki ang budget sa bawat classroom ay dahil sa contractor�s tax at contractor�s profit pero mukhang hindi naman aniya normal na halos 100 porsiyento ang kita ng mga kontraktor dito.