BUTUAN CITY - Base sa gipagawas nga pinakaulahing shellfish bulletin sa Bureau of Fisheries and Aquatic Resources kon BFAR-Caraga, gideklarang luwas ang tanang edible sea products gikan sa Surigao del Sur ug negatibo sa Red Tide Toxin.
Nasayran nga ang mga seafoods nga gikan sa lungsod sa HInatuan, Lianga ug syudad sa Bislig sa Surigao del Sur ang gibaligya sa mga nag-unang merkado sa Agusan del Sur partikular na sa lungsod sa San Francisco, Trento ug sa syudad sa Bayugan.
Kahibaluan nga ang Red Tide toxin ang gikan kini sa large concentration sa nagkadaiyang klase sa algae ug uban pang organismo nga nagdala ug toxic elements ug mo contaminate sa sea foods ug uban pang shells.
Ang mga tawo nga mukaon sa kontaminadong shells ug uban pang sea products ang makasinati sa paralytic shellfish poisoning nga muresulta pa sa kamatayon.
No comments:
Post a Comment