Multicab ug forward truck nagbanggaanay, 1 patay, 1 samdan

GENERAL SANTOS CITY - Usa ang patay og usa ang angol sa pagbanggaanay sa duha ka sakyanan sa Brgy. Katangawan ning dakbayan.

Dead on arrival sa ospital ang biktima nga si Marlon Dahay, 28-anyos samtang angol si Aurelio Lloren, 22-anyos nga pulos taga David Homes, Brgy. Katangawan.

Sumala pa ni PO3 Maireto Abayon sa Traffic Control Division, base sa inisyal nga imbestigasyon nga ang multicab nga gisakyan sa mga biktima ang mi-overtake sa elf sa dihang anaa sa National Highway padulong sa Davao City ug nakasugat ang usa ka forward truck nga padulong usab sa sentrong bahin sa dakbayan.

Tungod niini, nangalagpot ang mga biktima nga maoy hinungdan sa kamtayon ni Dahay ug pagkaangol ni Lloren nga kasamtangan gihapong giobserbahan sa mga doktor sa ospital.

Samtang ang driver sa multicab nga si Ruben Timuging ang gipangita karon sa mga otoridad tungod misibat human sa panghitabo.

Gikabutyag nga pulos naguba ang atubangan nga bahin sa multicab ug forward tuck human sa aksidente.