Lola, nahulog sa bangko, patay sa Misamis Oriental

CAGAYAN DE ORO CITY - Gitoohang internal hemorrhage ang hinungdan sa kamatayon sa usa ka lola nga taga Brgy. Ulaliman, El Salvador City, Misamis Oriental kagahapong adlawa.

Naila ang biktima nga si Trinidad Cuaresma, 83-anyos nga residente sa maong lugar.

Sigon sa report, human matud pa sa pagkaon ni Lola Trinidad, milingkod kini sa lingkuranan sa ikaduhang andana sa ilang panimalay.

Apan kalit matud pa kining nahulog sa lingkuranan ug napakog sa salog ang iyang ulo.

Nakaangkon sa dakong samad sa iyang ulo ang biktima nga nagresulta sa iyang
kamatayon.