GENERAL SANTOS CITY-Singkwentay-sais ka mga pamilya ang naapektuhan sa natigayung pagbaha sa PI 16 ug Jhonny Ang Paradise, Brgy. City Heights ning dakbayan.
Kini ang gikumpirma sa mga otoridad human nga ilahang girespondihan kagabie ang mga namakwit nga pamilya sa maong lugar nga kadaghanan nagpuyo sa kilid sa sapa.
Gawas niini, unom ka pinuy-anan ang naanod sa kusog nga bul-og sa tubig-baha gikan sa sapa tungod sa makusog nga pag-ulan kagahapon.
Gikanayung halos lagpas-tawo ang baha nga hinungdan paghikling sa mga residente sa maong lugar.
Nagpabilin karon ang mga apektadong pamilya sa Oval Covered Court ning dakbayan ug gihatagan usab ug relief goods sa lokal nga panggamhanan.
No comments:
Post a Comment