CAGAYAN DE ORO CITY - Nagbahad karon ang House committee on customs and tariff nga ipaaresto ang kontrobersyal nga negosyanteng si Lynard Allan Bigcas.
Kini kon dili gihapon tungahan ni Bigcas ang himoong pagdungog sa kamarabaha karong adlawa sa alegasyong nalambigit siya sa smuggling sa amihang Mindanao.
Matud ni Congressman Rudy Fariñas, chairman sa maong komitiba nga kon maayo ang lakaw sa ilang imbistigasyon karong buntag, ug motambong si Bigcas, hayan mopagawas na sila ug rekomendasyon, diin seguradong may pipila matud pa ka mga tawo ang makasuhan nunot sa smuggling activities sa Rehiyon 10.
Una niini, gibutyag ni Chief City Prosecutor Fidel Macauyag nga mokabat sa 20 ka mga opisyal ug kawani sa Bureau of Customs District 10 ang makasuhan tungod sa giingong ilang pakigkonsabo sa illegal nga kalihukan sa maong negosyante.
No comments:
Post a Comment