Gawas sulod sa mga Indonesians sa GenSan nagpabiling problema- BID

GENERAL SANTOS CITY- Giangkon ni Bureau of Immigration and Deportation (BID)-GenSan Alien Control Officer Eddie Delima nga problema hangtud karon ang paggawas sulod sa mga Indonesian nationals sa dakbayan sa Heneral Santos.

Matud pa ni Delima nga dili kanunay nga mabantayan ang pagsulod sa ilegal nga mga Indonesian nationals sa syudad ug kasikbit nga mga lugar gumikan duol sa Indonesia sa Pilipinas ilabi na dinhi sa bahin sa Mindanao.

Samtang giangkon usab sa nahisgutan nga ang ubang mga Indonesians dinhi pa gapamalit sa Pilipinas sa ilang mga panginahanglanon.

Kahibaluan nga daghan na ang mga Indonesians nga legal nga gapuyo sa GenSan lakip na sa Sarangani ug Davao del Sur ug daghan usab kanila ang walay igong dokumento.