Call center agent gilugos misukol sa pagkumot sa bayag sa suspek

GENERAL SANTOS CITY- Hapit matud pang malugusan ang usa ka call center agent nga babaye samtang kini padulong unta sa iyang trabaho alas 11:30 kagabii.

Matud sa usa ka alyas Ana, 26-anyos og residente sa Barangay Buayan ning dakbayan sa Heneral Santos nga samtang siya ang gahulat og sakyanan sa usa ka waiting shed aron padulong sa sentrong bahin sa dakbayan kalit nga giduulan sa wala mailhing lalaki.

Didto gilayun siyang gibira padulong sa likod sa waiting shed ug didto gibun-og ug gituok sa liog dungan sa pagkanayun sa suspek nga gusto niyang makighilawas sa biktima.

Nagdumili ang babaye hangtud nga subling gikulata hangtud nahulog sa kanal.

Tungod nasakitan na sa gihimo sa lalaki iyang gikumot ang bayag sa suspek ug didto nasakitan ug miatas apan subling giduulan ang biktima.

Nakahunahuna ang babaye nga hagaron ang suspek sa usa ka balay ug misunod ang lalaki.

Samtang galakaw nakakita og duha ka lalaki ang biktima ug didto nangayo og tabang, apan nakaikyas ang lalaki.