60 pamilya nga namakwit tungod sa baha wala pa gitugutang makabalik sa ilang lugar

GENERAL SANTOS CITY- Wala pa gihapon gitugutang makapauli sa ilang lugar ang kapin sa 60 pamilya nga namakwit tungod sa pagbaha sa dakbayan sa Heneral Santos.

Ang mga nahisgutan ang mga residente gikan sa purok Johnny Ang ug purok P. I 16 sa barangay City Heights nga anaa sa Oval covered court sa dakbayan.

Matud sa report aduna nay pipila ka mga bata ang nakaangkon og sakit apan gilayun usab gihatagan og tambal sa lokal nga panggamhanan ug sa ilang pagkaon.

Wala gitugutang makapauli ang mga evacuees tungod padayun ang maut nga panahon nga posibleng hinungdan sa pagdako sa tubig sa sapa kong asa sila nagpuyo.

Niadtong lunes sa gabii namakwit ang mga residente human gisulod sa tubig ng ilang mga balay kong asa unom ka balay ang gianod sa kusog nga bul-og sa tubig.

Aduna nay long term solution nga giandam sa lokal nga panggamhanan alang sa maong mga residente.