7 lugar ang gipilian sa pagbuhi sa mayor - NPA

BUTUAN CITY - Pito ka mga lugar ang gipilian karon sa Southern Mindanao Regional Party Committee-Communist Party of the Philippines nga mahimong didto nila buhian ang ilang mga bihag nga si Lingig Surigao del Sur Mayor Henry Dano og duha ka mga military body guards.

Kini gilangkuban sa dakbayan sa Bislig og lungsod sa Lingig sa probensya sa Surigao del Sr, mga lungsod sa Boston og Cateel sa probensya sa Davao Oriental, lungsod sa Trento sa probensya sa Agusan del Sur, mga lungsod sa Monkayo og Compostela sa probensya sa Compostella Valley.

Base sa pahayag nga gipagawas ni Rigoberto F. Sanchez, tigpamaba sa Merardo Arce Command, NPA-Southern Mindanao, nanawagan kini sa gobyernong Aquino nga kinahanglang magpatuman sa temporaryong ceasefire sa nahisgutang pito ka mga lugar nga nasakop sa upat ka probensya aron hingpit na nilang buhian ang ilang mga bihag.

Naglaum usab ang komunistang grupo nga kun maseguro na nila nga dunay cessation sa AFP/PNP operation sa nahisgutang mga lugar, dile maghimo sa bisan unsang lakang batuk kanila aron dile mosamot kadugay ang ilang pagbuhi sa ilang mga bihag.

"As soon as a release site is determined and the related security matters are cleared, the release shall expeditiously proceed. It is hoped that the AFP/PNP will no longer undertake actions that will cause the unnecessary delay of this procedure." pahayag ni Rigoberto F. Sanchez, tagapagsalita ng Merardo Arce Command, NPA-Southern Mindanao.

Una nang nanawagan ang asawa sa mayor nga si Mrs Amelia Ventura Dano sa Bombo Radyo nga unta magpatuman ang gobyernong Aquino sa temporaryong ceasefire sa nahisgutang mga luar alang sa kaluwasan og hingpit nga pagbuhi sa iyang mister og duha ka body guards niini.