KAMPEYON ang tim Holy Child sa paserelle division sa Milo Best basketball Tournament 2011 nga gihimo didto sa Woodridge gym, Maa, ning siyudad sa Dabaw niadtong Sabado.
Gipildi sa Holy Child and tim Ateneo de Davao University (Addu) sa iskor 57-50.
Tungod sa kadaugan, sila ang makigtigi sa umaabot nga Regional Mindanao Championship karong Nobyembre 4 hangtud 6 didto sa Almendras Gym ning siyudad.
"Then they will fight in Regional Mindanao Championship on November 4-6 in Almendras gym," suma sa gipadalang mensahe ni assistant coach Roger Rabago kagahapong adlawa.
Nanguna sa kadaugan sa tim Holy Child mao si Aguanta nga nakahimo og 11 ka puntos ug gitabangan nila Castaneda (2 ka puntos), Lorenzana (2), Fernandez (7), Constantino (3), Antalan (3), Rodriguez (3), Ibanez (6), Maruya (2), Dalogdog (2), Roxas (5), Lim (3), Aguanta (11), Dangagon (2), Palazuelo (2), Bagay (7) ubos sa pagbansay nila Head Coach Ilde Cunanan, Head Asst. Roger Rabago ug Nestor Sorroza.
Samtang nahulog sab sa 2nd runner up ang Small Basketeers of the Phil (SBP) tim ug nakadawat og Sportmanship Award alang sa SBP division.
Ang mga miyembro sa SBP tim mao sila Niepes, Paquibot E., Ahon E., Mamac A., Ramirez M., Anonuevo J., Eliseo D., Silva, Bayod R., Buhian JM, Halili D., Banos A., De Guzman E., Plaza W ug si Buhian Jay.
No comments:
Post a Comment