DAVAO DEL NORTE -- Usa ka community health and social service outreach program ang hiniusang gilusad sa Davao del Norte Provincial Police Office (DNPPO) ug 1003rd Infantry Brigade sa Philippine Army didto sa lungsod sa San Isidro.
Ang kapulisan ug militar maoy mitunol sa ilang serbisyo pinaagi sa libreng medical check-up, ibot ngipon, tambal, simelya sa gulay, abono sa utanon, ug bitamina sa mga hayop niadtong miaging adlaw.
Ang kapulisan gipangulohan ni DNPPO assistant provincial director Jessie Estrada, samtang ang 1003rd IB gipangulohan ni commanding officer Colonel Lyzander Suerte.
Sa maong programa, na-check-up nila ang 350 ka residente; 141 ang naibtan og ngipon; 353 nahatagan og libreng tambal; 209 nakadawat og semilya sa gulay; 444 sa abono sa utanon; samtang 180 ka binuhing hayop ang natabangan sa beterinaryo.
Grabe ang kalipay nga gibati sa katawhan dihang miabot ang kapulisan ug militar sa Barangay Datu Balong, lungsod sa San Isidro.
Atol sa maong programa, gipakaon sab ang 180 ka mga bata sa ilang feeding program, 150 ang nahatagan og toothbrush, toothpaste ug tsinelas.
Gihatagan sab sila og mga gatas ug mga sinena nga gitunol sa mga personahe sa kapitolyo nga gipangulohan ni Davao del Norte Governor Rodolfo del Rosario. (Teddy Cabana)
No comments:
Post a Comment