MALAMPUSONG gisaulog niadtong Sabado ang Global Handwashing Day didto sa Buhangin Gym, Barangay Buhangin, siyudad sa Davao.
Ang tema sa kalihukan mao ang "Clean Hands Save Lives" ug "Pamilya Playtime Para sa Kalusugan" nga ika-upat na ka tuig nga gisaulog dinhi sa nasud sukad niadtong 2008.
Ang aktibidad gisuportahan sa Proctor and Gamble (P&G), Unicef, Department of Education (DepEd) ug Department of Health (DOH) nga nagpaabot og mensahe nga paghatag og importansya nga manghugas og kamot ang mga Pilipino.
Tumong niini mao nga magpabilin nga himsog ang mga bata ug malikay sa sakit sama sa diarrhea ug Pneumonia.
Base sa talaan sa DOH, ang maong sakit mitala na og 3.5 milyon ka mga bata matag tuig ang nagkasakit dinhi sa Pilipinas.
Gipahayag ni Georgina Pia Belaro, Corporate Alliances Officer Private Fundraising and Partnership sa Unicef, nga gusto nilang ipahibalo sa katawhan nga importante nga manghugas og kamot matag adlaw aron malayo sa sakit.
Gilauman nga sa sunod tuig, mapalapdan pa nila ang pagselebrar dinhi sa dakbayan sa Davao.
Kini ang gibutyag ni Belaro atol sa presscon nga gihimo didto sa Barangay Hall niadtong Sabado.
Gawas sa Davao, ilang gisaulog sab sa maong adlaw ang Hand Washing Day didto sa Cebu ug Manila. (Marizz S. Robilla)
No comments:
Post a Comment