DAVAO CITY - Dali nga miresponde ang ang central 911 kagabie human nga nabalitaan nga adunay bata nahulugan ug acacia nga kahoy diha sa may san Pedro atbang mismo sa City hall ning syudad.
Apan maayo na lamang kay layo sa peligro ang nahitabo sa bata nga 6 anyos nga magtutungha diha sa may Magallanes Elementary School.
Matud pa sa inahan niini nga si Mrs Rosalie Posas, nga gikan sila sa eskwelahan ug mihunong sa dapit kay miinum ug tubig ang bata apan iya na lamang nadunggan nga adunay kahoy nga mihagbong ug natan-awan na lamang niini nga didto miigo sa iyang anak.
Maayo na lamang kay wala kaayo madat-ugi ang bata, apan napangos ang abaga ug nabukol ang agtang sa biktima.
Kasamtangan pa nga gisuta sa mga personahe sa central 911 kung unsa ang gibati sa biktima apan sumala sa bata okey na siya.
Sigon pa sa inahan nga nakuyawan lamang ang bata mao nga grabe ang hilak niini.
No comments:
Post a Comment